★★ जगत दर्शन साहित्य ★★
◆ काव्य जगत ◆
● सबसे बाड़का कवन कौम ●
बिजेंद्र कुमार तिवारी ( बिजेन्दर बाबू)
●●●●●●●●●●●●
जनमत चमइन मुअत डोम।
बोलीं बाड़का कवन कौम।।
*
भाव के तऽ भगवान भुखइलें।
सबरी के जूठ बइर खइलें।।
*
भावहीन के मेवा छोड़लें।
भक्त विदुर से नाता जोड़लें।।
*
एह सवाल पर सभे मौन।
सबसे बाड़का कवन कौम।।
*
सत्य सनातन के खूबी हऽ,
भक्ति भाव के पूजल जाला।
जेकरा मन में खोट समाइल,
भवसागर में डूबल जाला।।
*
कहस बिजेंदर दया धरम के,
आपना उर में वास जगाईं।
मात पिता अरू गुरु चरण में,
बइठीं आ विश्वास जगाईं।।
*
सतपथ पर सत्कर्म करे जे,
उहे सबसे बाड़का डौन।
केहु हमके आज बतावे,
सबसे बाड़का कवन कौम।।
🌹🌹🙏🙏 🌹🌹
बिजेन्द्र कुमार तिवारी
बिजेन्दर बाबू
गैरतपुर, मांझी
सारण, बिहार
मोबाइल नंबर:- 7250299200
