(मधुमेह)
चर्चा करी हम आजु शुगर जेहिका मधुमेह प्रमेह कहावैं ।।
बेमारी भयिसी जेहिका गतिके तेहिकय जिय हालि हौं काव सुनावैं।।
होवै शुगर तौ बढैं जु तौ वीपी किडनी गती तौ कही नहि जावै।।
भाखत चंचल अइसी बेमारी रिपूनौ घरे कबहूँ नहि जावै।।1।।
नाशु विनाशु करै तनका मनमा कछू प्रेमु कै भाऊ ना लावै।।
क्षीणु करै दिनुरैनु तना अरू अन्तसमय सुरधाम पठावै ।।
डाक्टर बोलैं चहौ निजु जीवनु पथ्य करौ अरू औषधि खावै।।
मुल भाखत चंचल माह छः सातक बीतत शुगरु हेरे ना पावैं ।।2।।
डिबी एस कै कैप्सूल गहौ औ गिलोय वटी लै संगु चबाऔ।।
विलास महा लक्ष्मी रस लै स्प्रूलिना वटी जबु साथु लगावै।।
औ पौडर लेहु शुगर कन्टरौल औ गोली जे कालौमेघ लैआवै।।
भाखत चंचल माह छःसातक बीतत शूगर हेर्यौ ना पावै ।।3।।
मधुमेह मा खाओ मिठाई जना मुल नीरहु बूँद गले ना उतारौ।।
घंटा दुई घंटा जौ बीति चुकै मनचाहा तू पानी पिऔ जलधारौ।।।
जामुन बीज कै चूर्ण भखौ अरू खाहू करैला या नीम सवारौ।।
भाखत चंचल नाहि बढै औ कहै यहू नीति है बैद्य विचारौ।।4।।
आशुकवि
रमेश कुमार द्विवेदी, चंचल
ओमनगर,सुलतानपुर,
उलरा,चन्दौकी, अमेठी,उ.प्र. ।।
मोबाइल नंबर..
8853521398,
9125519009
